R/Wasaare Xamze Oo Ka Qeyb Galay Xaflad lagu Soo Dhaweynayay Oo Ka Dhacday Beledweyne+Sawiro

0
225

Ra’iisul Wasaaraha Xukuumadda Federalka Mudane Hamza Abdi Barre ayaa ka qaybgalay munaasabad weyn oo lagu soo dhaweynayay isaga iyo wafdigiisa oo ka dhacday xarunta gobolka Hiiraan ee magaalada Beledweyne.

Wafdiga Ra’iisul Wasaaraha oo uu soo dhaweeyey Madaxweynaha maamul gobolleedka HirShabelle, Mudane Cali Cabdullaahi Guudlaawe iyo masuuliyiinta kale ee gobolka, ayaa waxa ay qaybaha kala duwan ee shacabka ka dhageysteen warbixinno ku saabsan xaaladda arrimaha bulshada ee magaalada Beledweyne iyo saameynta abaarta.

Horey waxaa magaalada Beledweyne ugu sugnaa Wasiirka Gaashaandhigga, Taliyaha ciidanka xoogga dalka, Xildhibaanno iyo masuuliyiin kale oo warbixin ka siiyay Ra’iisul Wasaaraha xaaladda dagaalka ka dhanka ah kooxda nabad-diidka ee Al-Shabaab.

Ra’iisul Wasaaraha oo la hadlay bulshada reer Beledweyne ayaa uga mahadceliyay soo dhaweynta diirran — isaga oo ammaanay hawlgallada ciidamadu kula dagaallamyeen kooxaha argagixisada — kuwaaasi oo lagu xoreeyay deeganno badan oo ka tirsan gobolka.

LEAVE A REPLY

Please enter your comment!
Please enter your name here