Guddoomiyaha Gobolka Banaadir ahna Duqa Muqdisho, Mudane Yuusuf Xuseen Jimcaale (Madaale) iyo ku-xigeenka Hawlaha Guud ee Gobolka Banaadir ayaa si wadajir ah u dhagax-dhigay dib u casriyeynta Jardiinka Arbaca Rukun ee Degmada Xamarweyne oo ka mid ah goobaha qadiimiga ah ee ku yaalla Caasimadda.
Goobtan uu dhagax-dhigay Duqa Muqdisho, Mudane Madaale ayaa ah goob taariikhi ah oo dhismaheeda la hirgeliyay ka hor ku dhawaad qarni, goobtaas oo loogu tala-galay in ay isugu yimaadeen bulshada, si ay ugu qaataan waqtigooda la xariira nasiinada iyo wada-sheekeysiga.
Ugu dambeyn, Duqa Muqdisho, Mudane Yuusuf Xuseen Jimcaale (Madaale) ayaa balan qaaday in Dowladda Hoose Xamar ay ka go’an tahay dib usoo nooleynta goobaha taariikhiga ee ka turjumaaya jiritaanka Caasimadda.
