Guddoomiyaha Gobolka Banaadir ahna Duqa Magaalada Muqdisho, mudane Yuusuf Xuseen Jimcaale (Madaale) ayaa kulan la qaatay taliyaha cusub ee xerada tababarka ciidamada TurkSom Jeneraal Sabahattin Kalkan, waxa ayna ka wada-hadlay xoojinta xariirka iyo wada-shaqeynta labada dhinac.
Duqa Muqdisho ayaa ugu mahadceliyay saraakiisha TurkSom iyo guud ahaan Dowladda Turkiya garab-istaagga ay u muujiyeen dowladda iyo shacabka Soomaaliyeed iyo doorka ay ka qaataan dowlad-dhiska, taageerada ciidamada xooga iyo ka qayb-qaadashada dhinacyada horumarka.
Ugu dambeyn, Duqa Magaalada Muqdisho ayaa ku amaanay taliska TurkSom doorka ay ka qaataan taageerada dhinaca bini’aadamnimo iyo mashaariicda ay ka fuliyaan qaar ka mid ah xarumaha lagu xanaaneeyo caruurta agoonta iyo darbi-jiifka oo ay gacanta ku hayso Dowladda Hoose ee Xamar.
