Agaaismaha Guud ee Qorshaynta, Maalgashiga iyo Horumarinta Dhaqaalaha Maamulka Gobolka Banaadir & Dawladda Hoose ee Mogadishu Md C/Qaadir Muxyadin Axmed (Dalxa) oo ka mid ahaa wafdigii Soomaaliya ee booqasho aqoon kororsi ah u joogay dalka Rwanda ayaa kulan kula qaatay Caasimadda dalka Kigali Mr Gasbar Kabalisa oo ah maamulaha Tababarada iyo booqashooyinka aqoon is dhaafsiga ee hey’adda RWANDA Cooperation.
Labada mas’uul ayaa ka wada hadlay diyaar garoowga safar booqasho oo ay mas’uuliyiin Dawladda Hoose ee Muqdisho ka socod ku tagi doonaan magaalada Kigali gaar ahaan Dawladda Hoose ee Kigali si labada magaalo ay isku dhaafsadaan aqoonta iyo khibradaha la xiriira hawlaha Dawladaha Hoose.
Wafdi rasmi ah ee ka socdo Maamulka Gobolka Banaadir ayaa qayb ka ahaa mas’uuliyiin ka kala socday maamulada dalka gaar ahaan dawladaha hoose oo booqasho aqoon kororsi ah u joogay dalka Rwanda iyadoo halkaasi lagu qabtay Shirka Dawladaha Hoose ee soomaliya ee sanadka 2022.
