Agaaismaha Guud ee Qorshaynta, Maal-gashiga iyo Horumarinta Dhaqaalaha Maamulka Gobolka Banaadir, Mudane Cabdulqaadir Muxiyadin Axmed (Dalxa) iyo Agaaismaha Guud ee Maamulka iyo Maaliyadda, Mudane Nuur Cusmaan Kaarshe ayaa ka qayb-galay madal ay hay’adda Somali Public Agenda kusoo bandhigeesay natiijada cilmibaaris ay ka sameeyeen Gobolka Banaadir.
Cilmibaaristan ayaa waxa ay diiradda saaraysay laba qodob oo kala ah; adeeg bixinta/daadajinta iyo nidaamka canshuuraha dowladaha Hoose, gaar ahaan Muqdisho, iyadoo agaasimayaasha ay si toos ah uga jawaabayeen su’aalo ay weeydiinayeen dadweynihii ka soo qayb-galay madasha.
Ugu dambeyn, Mas’uuliyiinta Maamulka Gobolka Banaadir ee joogay madasha ayaa bulshada ugu warbixiyay dhinacyada horumarinta iyo adeegyada bulshada ee uu Maamulka Gobolka Banaadir ka qabto Caasimadda dalka ee Muqdisho.
