Madaxweynaha Jamhuuriyadda Federaalka Somalia, Mudane Xasan Sheekh Maxamuud oo kormeer ku tagay xerada ciidamada guutada Cali binu Abii-daalib ee degmada Maxaas ayaa ku bogaadiyay guulaha waaweyn ee ay kasoo hoyeen dagaalka Khawaarijta, isagoo kula dardaarmay inaysan marnaba is-dhigan oo ay isha ku hayaan cadawga, waxa uuna ku ammaanay diyaar-garawga ay ugu jiraan sidii ay u soo gabagabayn-lahaayeen wejiga koowaad ee dagaalka.
Madaxweynaha ayaa tilmaamay billowgii dagaalka dalkeenna looga xoreynayo Khawaarijta diyaar-garowga sidii la rabay in uusanahayn, isla markaana dalka ku jiray xaalad abaareed oo baโan, balse Alle mahaddiis Soomaaliya waxa ay haysataa Ciidan ka tayo iyo tiro badan markii dagaalka Khwaarijta la bilowdeen, diyaarna u ah inay naftooda u huraan dalkooda iyo dadkooda.
