Guddoomiyaha gobolka Banaadir ahna Duqa Muqdisho, Mudane Yuusuf Xuseen Jimcaale Madaale ayaa soo xiray tababar cilmiyeedka 1-aad ee macallimiinta dugsiyada Qur’aanka kariimka oo ay soo qaban qaabiyeen akadeemiyadda culuunta Qur’aanka ee maamulka gobolka Banaadir.
Munaasabadda xiritaanka waxaa goobjoog ka ahaa guddoomiye ku-xigeenka arrimaha bulshada iyo wacyi-gelinta gobolka Banaadir, Mudane Cabdicasiis Cismaan Maxamed, guddoomiye ku-xigeenka amniga iyo siyaasadda, mudane Maxamed Axmed Diiriye (Yabooh), guddoomiya degmada Waaberi, Agaasimaha Waaxda Diinta & Awqaafta gobolka Banaadir, culuma’udiin iyo marti sharaf kale.
