Ra’iisul Wasaaraha xukuumada federaalka Soomaaliya, mudane Xamsa Cabdi Barre ayaa guddoomiyey kulan looga hadlayay sidii kor loogu qaadi lahaa wax-soo-saarka iyo kaabayaasha dhaqaalaha dalka, taasoo ku saleysan qorshaha xukuumadda ee casriyeynta dowladnimada Somalia.
Ra’iisul Wasaare Xamse oo kulanka ka hadlay ayaa sheegay in wasaaradaha looga fadhiyo wax-soo-saar dalka gaarsiin kara isku filnaansho dhaqaale, isagoo kula dar-daarmay in ay yeeshaan wada-shaqeyn dhaw, si wadajir loogu xaqiijiyo hadafka xukuumadda ee la xiriira isku-filnaansho dhaqaale oo ay Soomaaliya gaarto.
Ugu dambeyn, Kulanka ayaa lagu soo bandhigay warbixinno la xiriira, barnaamijka istiraatijiyadeed ee bangiga horumarinta Afrika iyo qorshaha isbeddelka Qaranka iyo Labs-ka wasaaradaha wax-soo-saara ee dalka.
