Guddoomiyaha Gobolka Banaadir ahna Duqa Magaalada Muqdisho Mudane Cumar Maxamud Maxamed (Cumar Filish) ayaa xarunta degmada Boondheere maanta uga qeyb galay xuska 79-guuradii kasoo wareegtay aas-aaskii ururkii Gobonima doonka Soomaaliyeed ee 13-SYL oo ku beegan 15-ka May.
Degmooyinka Bartamaha ee kala ah Cabdicasiis, Xamar Weyne, Warta Nabada shigaani iyo Boondheere ayaa soo qaban qaabiyay munaasabadan lagu maamusayay Halgankii guusha dhaliyay ee Ummada Soomaaliyeed u horseeday xurnimada iyo qaranimada ay maanta ku taagan tahay, halgan kaas oo ay hormuud ka ahaayeen dhallinyaradii SYL oo ka koobnaay 13 qof.
