Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa kulan la qaatay Guddiga KMG-ka ah ee labada aqal baarlamaanka JFS ee u xilsaaran diyaarinta xeerarka doorashooyinka, ururada, xisbiyadda JFS, sharciga dhismaha guddiga doorashooyinka iyo soohdimaha dalka.
Maamulka Gobolka Banaadir ayaa guddiga labada aqal ee baarlamaanka la wadaagay talooyin la xiriira hindise sharciyeedyada xeerka doorashooyinka dalka ee horyaala baarlamaanka jamhuuroyadda federaalka Soomaaliya.
Guddoomiyaha guddiga xildhibaan, Mahdi Maxamed Guuleed iyo xubnaha kale ee guddiga ayaa ugu mahadceliyay maamulka gobolka Banaadir soo jeedinta talooyinka ku aaddan xeerka doorashooyinka, iyaga oo balan-qaaday in ay tixgalin doonaan.
