Agaasimaha Guud ee Agaasinka Waxbarashadda Maamulka Gobolka Banaadir, Mudane Dr. Abdifatah Ahmed Barre ayaa booqasho ku tagay xarunta Akadeemiye-goboleedka Af Soomaaliga (AGA) ee Magaalada Muqdishu oo ay ka socdaan tababar iyo kulammo waxbarasho.
Agaasimaha Guud ayaa kormeer iyo xog-wareysi ugu tagay tababarka hawl-wadeennada iyo Agaasimeyaasha Imtixaanaadka dalka oo lagu baran doono sameynta keydka su’aalaha (Question’s Bank), kaas oo lagu marti-geliyay Gobalka Banaadir.
Sidoo kale, Agaasime Cabdifataax ayaa kormeeray tababarka dufcadii afaraad (4) ee qaar ka mid ah macallimiinta dhiga maadada Afka Soomaaliga ee dugsiyada Gobolka Banaadir, waxa uuna u jeediyay dardaaran iyo dhiirigalin ku aaddan horumarinta, barista iyo barashada maadada Afka Soomaaliga oo muhiimad gaar ah u leh ubadka Soomaaliyeed.
Ugu dambeyn, Agaasinka Waxbarashada Gobolka Banaadir, waxa uu u taagan yahay horumarinta iyo tayeynta waxbarashada Gobolka Banaadir.
