Taliyaha Boliiska Soomaaliyeed, Sarreeye Guuto Sulub Axmed Firin ayaa maanta xafiiskiisa ku qaabilay khuburo xaga la-dagaalanka argagixisada ah oo ka socday safaaradda Mareykanka uu ku leeyahay Soomaaliya.
Taliye Firin iyo khuburada ayaa ka wadahadlay sare u qaadidda, tayeynta, xirfadeyn iyo joogteynta caawimaadda tababbarradda iyo qalabeynta ciidanka.
Jim Loucks oo ahaa madaxa la-talinta la-dagaalanka argagixisada ee safaaradda Mareykanka ee Soomaaliya ayaa sheegay inay sii wadayaan taageerada ciidanka booliiska ee la-dagaalanka argagixisada, ayna sare u qaadayaan taaageerada hadda ay siiyaan ciidanka booliiska qaybtiisa la-dagaalanka argagixisada. 
