Guddoomiyaha Gobolka Banaadir ahna Duqa Muqdiaho, Mudane Yuusuf Xuseen Jimcaale (Madaale) ayaa khudab dheer ka heediyay munaasabad loogu mahad-cinayay shahaadooyinna lagu guddoonsiiyay guddigii taabbo geliyay munaasabadaha toddobaadka xorriyadda taasoo caawa lagu qabtay degmada Yaaqshiid ee Gobolka Banaadir.
Munaasabadda ayaa waxaa goobjoog ka ahaa; Ra’iisul Wasaaraha Xukuumadda Federaalka Soomaaliya, Xamse Cabdi Barre, wasiirro xukuumadda ka tirsan, guddoomiyeyaasha degmooyinka iyo deegaannada Gobolka Banaadir iyo marti-sharaf kala duwan.
“Amniga Muqdisho inuu hagaago waxaa si wadajir ah isaga kaashaday shacabka ku nool caasimada iyo laamaha ammaanka, waana ku mahadsan yihiin,” ayuu yiri guddooniye Madaale.
