Waaxda Caafimaadka Dowlada Hoose ee Xamar ayaa maanta ku qabteen xarunta caafimaadka degmada Waaberi ololaha toddobaadka naas-nuujinta oo shalay si rasmi ah u billowday, Ololahan oo socon doono muddo todobaad ah ayaa lagu qaban doonaa dhammaan xarumaha caafimaadka degmooyinka gobolka Banaadir.
Xuska todobaadka naas-nuujinta ayaa ujeeddadiisu tahay in hooyooyinka Soomaaliyeed lagu dhiirri-geliyo in ay nuujiyaan dhallaankooda dhawaan dhashay, si kor loogu qaado difaacooda jirkooda.
Ugu dambeyn, Agaasinka Caafimaadka Gobolka Banaadir, ayaa xoogga saaraya horumarinta caafimaadka gobolka iyo sidii shacabka Caasimadda u heli lahaayeen adeeg caafimaad oo tayo sare leh.
