Kooxda kubadda cagta ee Chelsea ayaa dhameystirtay saxiixa Robert Sanchez oo uga soo biiraya kooxda Brighton, inkastoo aan la shaacin qiimaha ay kula soo wareegayso.
Laacibkan ayaa buuxin doona booskii ka banaanaa uu banneeyay Edouard Mendy – kaasoo ku biiray kooxda Saudi Arabia ee Al-Ahli bishii hore, waxaana tallaavadan ay qayb ka tahay dadaalka ay Blues doonayso inay dib isugu dhisto.
Sanchez, oo 25 jir ah ayaa intii uu joogay kooxda Levante bishii Juun 2018-kii, waxa uu muujiyay cayaar-wanaan la jeclaystay, kaddibna waxaa amaah ahaan loogu diray Forest Green 2018-2019.
Laacibka heerka caalami ee dalka Spain ayaa xilli ciyaareedkii xigay amaah ku joogay Rochdale, ka hor inta uusan u safan Brighton bishii November 2020, markaas oo ay guuldarro 2-1 ah ka soo gaartay Tottenham.
Dhanka kale, Sanchez si dhaqso ah isugu aqoonsaday inuu goolyaaha koowaad ee Spain, waxa uuna ciyaaray 90 kulan gabi ahaan kooxihii uu u saftay.
Ugu dambeyn, tallaabadan ay qaadday Chelsea ayaa waxay imaanaysaa iyadoo sannadkan tababaraha cusub ee kooxda uu doonayo in kooxdiisa ay ka dhex-muuqato kooxaha Premier League.
