Guddoonka sare ee maamulka gobolka Banaadir ayaa maanta abaalmarin guddoonsiiyay xubno ka tirsan shaqaalaha Dowladda Hoose ee Xamar, kuwaas oo muujiyay hawl-karnimo iyo kasoo dhalaalid shaqooyinkii ay u hayeen maamulka iyo shacabka gobolka Banaadir.
Guddoomiyaha gobolka Banaadir ahna Duqa Muqdisho, mudane Yuusuf Xuseen Jimcaale (Madaale) ayaa sheegay in qof walba lagu abaal-marin doono shaqada uu qabto si loo dhiirri-geliyo, waxa uuna ku boorriyay hawl-wadeennada maamulka gobolka Banaadir in ay sii laba jibaaraan shaqada ay u hayaan bulshada.
Ugu dambeyn, Agaasimaha nadaafada iyo bilic soo celinta maamulka G/Banaadir, mudane Maxamed Suudi, madaxa xafiiska agaasimaha guud ee hawlaha guud, mudane Bashiir Nucmaan Sheekh Cumar iyo madaxada ganaaxyada gaadiidka nadaafada, mudane Cali Xasan Cali ayaa la guddoon siiyay abaalmarin lacageed.
