Guddoomiyaha gobolka Banaadir ahna Duqa Magaalada Muqdisho, mudane Yuusuf Xuseen Jimcaale (Madaale) ayaa xarigga ka jaray waddo Interlock ah oo dhex-marta waaxda Barwaaqo ee degmada Warta Nabadda.
Duqa Muqdisho ayaa maamulka iyo bulshada degmada Warta Nabadda ku ammaanay iskaashiga iyo wadajirka ay ku hor-marinayaan kaabayaasha isku socodka degmada Warta Nabadda, isaga oo dhinaca kale ugu baaqay bushada in ay ka qayb-qaataan barnaamijka dalkaaga hal doolar ku dhiso.
Ugu dambeyn, Munaasabadda xarig-jarka waxaa goobjoog ka ahaa guddoomiyaha degmada Warta Nabadda, marwo Seynab Maxamuud Xaabsey, odayaasha dhaqanka iyo qaybaha kala duwan ee bulshada degmada Warta Nabada.
