Guddoomiyaha Gobolka Banaadir ahna Duqa Magaalada Muqdisho, mudane Yuusuf Xuseen Jimcaale (Madaale) ayaa ka qayb-galay munaasabad lagu xusayay maalinta biyaha adduunka, isla markaana loogu hadlayay arrimaha biyaha, deegaanka iyo isbeddelka cimilada.
Munaasabadan oo ay soo qaban-qaabiyeen waaxda biyaha, deegaanka iyo isbeddelka cimilada maamulka gobolka Banaadir iyo Dowladda Hoose ee Xamar, ayaa waxaa goob-joog ka ahaa xildhibaanno ka tirsan baarlamaanka federaalka Soomaaliya, aqoonyahanno, agaasimayaal iyo marti sharaf kale.
