Ra’iisul Wasaaraha Xukuumadda Somalia, Mudane Xamsa Cabdi Barre iyo wafti uu hoggaaminayo ayaa xalay gaaray magaalada Daarusalaam ee caasimadda dalka Tanzania oo ay kaga qayb-galayaan shir-madaxeedka horumarinta karaanka aadanaha ee Afrika.
Shir-madaxeedka ayaa looga hadlayaa taabba-gelinta awoodda dadweynaha oo ah ahmiyad gaar ah u leh dalalka qaaradda Afrika, si ay uga qayb-qaataan horumarka Qaaradda hiigsaneyso taas oo mudnaan gaar ah oo ku aaddan horumarinta bulshada u leh Xukuumadda Federaalka Soomaaliyeed.
Ugu dambeyn, Xubnaha wafdiga Ra’iisul Wasaaraha waxaa ka mid ah: wasiirka waxbrashada iyo tacliinta sare, Mudane Faarax Sheekh Cabdulqaadir, wasiirka caafimaadka iyo daryeelka bulshada, Dr. Cali Xaaji Aadan, wasiirka shaqada iyo arrimaha bulshada, Dr. Maxamed Cilmi Ibraahim iyo mas’uuliyiin kale.
